Spøkelsesfiske tema i podcast-episode
Garn og teiner som forsvinn, kan halde fram med å ta livet av fisk og spreie mikroplast i fleire tiår. Fenomenet er omtalt i ein ny podcast-episode.
Forskar Christian Karl ved Sintef er saman med kollegaer intervjua i ein ny podcast-episode som tek opp fleire tema som er relevante for Shift-Plastics: spøkelsesfiske, resirkulering og materialutvikling.
Episoden tek utgangspunkt i forskingsprosjektet Dsolve, som handlar om å utvikle bionedbrytbar plast til marine føremål. Dsolve er leia av UiT.
Det er Sintef som lagar podcasten “Smart forklart”. Christian Karl og kollegaene hans er intervjua i episode nr. 77, “Kampen mot spøkelsesfiske”, som vart lagt ut 31. august 2023.